پیٹرول 12 روپے فی لیٹر سستا ہونے کا قوی امکان

حکومت پیٹرولیم مصنوعات کی قیمتیں میں مزید کم کرکے عوام کو ایک اور بڑا ریلیف دینے کے لیے تیار ہے۔

ذرائع کا کہنا ہے کہ بین الاقوامی مارکیٹ میں پیٹرول کی قیمت میں 5.14 ڈالر کی کمی کے باعث پاکستان میں فی لیٹر پیٹرول 12 روپے سستا ہونے کا قوی امکان ہے۔

ذرائع نے بتایا کہ عالمی مارکیٹ میں پٹرول کی قیمت 89 ڈالر فی بیرل کی سطح پر پہنچ گئی ہے۔

اسی طرح بین الاقوامی مارکیٹ میں ڈیزل کی قیمت چار ڈالر کی کٹوتی کے بعد 93 ڈالر پر ٹریڈ کر رہا ہے۔

وفاقی حکومت نے مسلسل دو بار پیٹرولیم مصنوعات کی قیمتوں میں کمی کی ہے جبکہ نئی قیمتوں کا اعلان وزیراعظم کی منظوری کے بعد 14 جون کو کیا جائے گا۔