تحریک انصاف کا پورے ملک کیلئے بجلی سستی کرنے کا مطالبہ

تحریک انصاف نے پورے ملک کیلئے بجلی سستی کرنے کا مطالبہ کردیا۔

اسلام آباد میں میڈیا سے گفتگو میں پارٹی چیئرمین بیرسٹر گوہر کاکہنا ہے کہ قیمتیں ایک دو ماہ کیلئے نہیں بلکہ مستقل کم ہونی چاہئیں۔ حکومت عارضی ریلیف دینے کیلئے بھی ترقیاتی فنڈ استعمال کررہی ہے۔

بیرسٹر گوہر کا کہنا تھا کہ رؤف حسن نے کوئی غیر قانونی کام نہیں کیا۔ وہ پڑھے لکھے آدمی ہیں، آرٹیکل لکھتے رہے ہیں، صحافی کا صحافیوں سے بھی رابطہ رہتا ہے۔

بیرسٹر گوہر خان نے کہا سپریم کورٹ نے 4 حلقوں کے کیسز کا فیصلہ کیا تھا، بدقسمتی سے ہمارے تحفظات کو نہیں سنا گیا، ہمارے درست ووٹوں کو مسترد کیا گیا، این اے 79 میں پہلے کوئی دوبارہ گنتی کی درخواست نہیں آئی ، امید ہے الیکشن کمیشن ہمارے تحفظات سنے گا۔

قبل ازیں الیکشن کمیشن میں این اے اناسی گوجرانوالہ 3 میں دوبارہ گنتی کیس کی سماعت 26 اگست تک ملتوی کردیا گیا، ن لیگی امیدوار ذوالفقار احمد ورک کی درخواست پر چیف الیکشن کمشنر کی سربراہی میں تین رکنی بینچ نے سماعت کی۔