کراچی کے علاقے کورنگی میں شہری کی فائرنگ اور عوام کے تشدد سے دو ڈاکو مارے گئے۔
پولیس حکام کے مطابق کورنگی نمبر 5 جے ایریا اسکول والی گلی میں دو ڈاکوؤں نے شہری کو لوٹنے کی کوشش کی۔ شہری نے مزاحمت کرتے ہوئے ڈاکوؤں پر فائرنگ کردی۔ موقع پر موجود عوام نے بھی ڈاکوؤں کو دبوچ لیا اور تشدد کا نشانہ بنایا۔ دونوں ڈاکو ہلاک ہو گئے۔
ایک ملزم کی شناخت اصغر کے نام کی گئی۔ مزاحمت پر ایک شہری معمولی زخمی بھی ہوا۔ پولیس حکام کے مطابق ہلاک ڈاکوؤں کا کریمنل ریکارڈ چیک کیاجارہا ہے۔
