انڈین فضائیہ کے ایئرشو کے دوران 5 افراد ہلاک
چنئی: بھارتی فضائیہ کے ایئر شو میں 5 افراد ہلاک ہوئے ، شدید گرمی کی وجہ سے 102 کے قریب افراد متاثر ہوئے تھے
بھارتی میڈیا کے مطابق بھارتی ریاست تامل ناڈو کے وزیر صحت کا کہنا ہے کہ انڈین فضائیہ کے ایئرشو کے دوران شدید گرمی کی وجہ سے 5 افراد ہلاک ہوگئے۔
وزیر صحت سبرامنین نے بتایا کہ ہجوم، حبس اور گرمی کے باعث 102 کے قریب افراد متاثر ہوئے تھے جن میں سے 93 کو فوری علاج کی ضرورت تھی۔
واقعے کی تحقیقات میں کہا گیا ہے کہ 15 لاکھ کا مجمع جمع ہو گیا تھا جب کہ مرینا بیچ میں اتنی گنجائش نہیں تھی۔ چھاؤں اور پانی کا انتظام نہیں تھا۔ زیادہ تر لوگ شو ختم ہونے کے بعد بے ہوش ہوئے۔
بی جے پی نے واقعے کی ذمہ داری ریاستی حکومت پر عائد کرتے ہوئے کہا کہ اگر اتنے بڑے پروگرام کے انتظام کی اہلیت نہیں تھی تو گریز کرنا چاہیے تھا۔ کسی کو عوام کی زندگی سے کھیلنے کی اجازت نہیں۔
ادھر تمل ناڈو کی ریاستی حکومت کا کہنا ہے کہ افسوس ناک واقعہ کی انکوائری مکمل کرلی ہے۔ ذمہ داروں کو سزائیں دی جائیں گی۔
