اسرائیل نے غزہ کو خون میں نہلا دیا، تازہ حملوں میں 93 فلسطینی شہید

صیہونی طیاروں کی شدید بمباری سے شمالی غزہ میں 93 بے گھر فلسطینی شہید ہوگئے۔ 40 سے زائد بچے بھی شامل ہیں۔

بیت لاہیہ میں لوگوں نے اپنی مدد آپ کے تحت لاشیں ملبے سے نکالیں، والدین بچوں کی لاشیں دیکھ کرغم سے نڈھال ہوگئے۔ مدد کو پکارنے لگے۔ بمباری میں 100 سے زائد افراد زخمی ہوئے۔ کئی زخمیوں کی حالت تشویشناک ہے۔

شہادتوں کی تعداد میں اضافے کا خدشہ ہے۔ غزہ سٹی پر حملے میں 7 افراد زندگی کی بازی ہار گئے، جبالیہ اور رفح میں بھی اسرائیلی درندگی نے درجنوں زندگیوں کے چراغ بجھادیئے۔

دوسری جان اسرائیل نے لبنان پربھی حملے تیز کردیے، وادی بیقا میں عمارتوں پر بمباری سے 60 شہری شہید ہوگئے۔ بعلبک میں 16 افراد لقمہ اجل بن گئے۔ کئی بستیاں تباہ ہوگئی۔ 24 گھنٹوں میں 76 شہری زندگی سے ہاتھ دھو بیٹھے۔