امریکی ماڈل واکر بلینکو کی اننیا پانڈے سے رشتے کی تصدیق

بھارتی اُبھرتی ہوئی اداکارہ اننیا پانڈے کے ممکنہ بوائے فرینڈ امریکی ماڈل واکر بلینکو نے اپنے رشتے کی تصدیق کر دی۔

بھارتی میڈیا کی رپورٹس کے مطابق اداکارہ اننیا پانڈے آج اپنی 26 ویں سالگرہ منا رہی ہیں، اس موقع پر انہیں بالی ووڈ کے دوست، احباب، عزیز و اقارب کی جانب سے پیغامات موصول ہو رہے ہیں، تاہم ان کے ممکنہ بوائے فرینڈ واکر بلینکو کے پیغام نے سب کی توجہ حاصل کر لی۔

ان کے ممکنہ بوائے فرینڈ واکر بلینکو نے اظہارِ محبت کر کے اپنے رشتے کی تصدیق کر دی۔

فوٹو اینڈ ویڈیو شیئرنگ پلیٹ فارم انسٹا گرام پر امریکی ماڈل نے انسٹا اسٹوری میں اننیا پانڈے کی مسکراتی ہوئی تصویر شیئر کرتے ہوئے انہیں سالگرہ کی مبارک باد دی ہے اور ساتھ ہی محبت کا اظہار بھی کیا ہے۔

انہوں نے انسٹا اسٹوری میں لکھا ہے کہ ہیپی برتھ ڈے خوبصورت، آپ بہت خاص ہیں، میں آپ سے محبت کرتا ہوں اینی!۔

اننیا پانڈے اور واکر بلینکو کے تعلقات کی افواہیں اس وقت سے سوشل میڈیا پر گردش کرنے لگی تھیں جب سے انہیں رواں سال جولائی میں بھارتی تاجر مکیش امبانی کے چھوٹے بیٹے اننت امبانی اور رادھیکا مرچنٹ کی ہائی پروفائل شادی میں ایک ساتھ دیکھا گیا تھا۔

واضح رہے کہ اس سے قبل اننیا پانڈے اور ساتھی اداکار ادیتیہ رائے کپور ایک دوسرے کو ڈیٹ کر رہے تھے، لیکن دونوں نے کبھی اپنے رشتے کو عوامی سطح پر قبول نہیں کیا تھا۔