ٹرمپ کی جیت سے پاک امریکا تعلقات میں بہتری متوقع ہے : مریم نواز

لاہور: وزیراعلیٰ پنجاب نے امریکی صدراتی انتخابات میں کامیابی پر ڈونلڈ ٹرمپ کو مبارک باد پیش کی۔

لاہور سے جاری بیان میں مریم نواز نے کہا ہے کہ ڈونلڈ ٹرمپ کی جیت سے پاک امریکا تعلقات میں بہتری متوقع ہے۔

امریکی صدارتی انتخابات میں ڈونلڈ ٹرمپ کامیاب ہوگئے ہیں، وہ امریکا کے 47ویں صدر ہیں اور اس عہدے پر دوسری مرتبہ فائز ہو رہے ہیں۔

امریکی صدارتی انتخاب میں 538 میں سے ریپبلکن امیدوار ڈونلڈ ٹرمپ نے 277 اور ڈیموکریٹ امیدوار کملا ہیرس نے 226 الیکٹورل ووٹ حاصل کیے ہیں۔