پنجاب میں شدید دھند کی وجہ سے مختلف ایئر پورٹس پر فلائٹ آپریشن شدید متاثر ہوا ہے۔
شدید دھند کے باعث 11 پروازیں منسوخ کردی گئی جبکہ 3 پروازوں کومتبادل ایئر پورٹس پر اتارا گیا اور 53 پروازیں تاخیر کا شکارہیں،ایوی ایشن ذرائع کےمطابق کراچی سے فیصل آباد پی کے 340، 341، لاہورکوئٹہ کی پی آئی اے کی پروازیں پی کے 322، 323 منسوخ کر دی گئیں۔
ایوی ایشن کےمطابق جدہ سےلاہورکی پروازایس وی 738کو بھی اسلام آباد اتارلیاگیا، کراچی اسلام آباد کے مابین 6 پروازیں تاخیرکاشکار ہیں،کراچی لاہورکی 5 پروازیں بھی تاخیر کا شکار ہیں، لاہور ایئرپورٹ پرآمد روانگی کی 19پروازیں تاخیرکاشکار ہیں۔
