کھیلوں کو سیاست کی نذر نہیں کرنا چاہیے : دفتر خارجہ

اسلام آباد: ہمیں امید ہے کہ تمام ٹیمیں پاکستان میں منعقد ہونے والی چیمپینز ٹرافی میں شرکت کریں گی۔

ترجمان دفترخارجہ ممتاز زہرا بلوچ نے میڈیا بریفنگ میں کہا کہ پاکستان کا مؤقف ہے کہ کھیلوں کو سیاست کی نذر نہیں کرنا چاہیے۔ آئندہ سال چیمپینز ٹرافی کی میزبانی کریں گے۔

ترجمان کا مزید کہنا تھا کہ ہمیں امید ہے کہ تمام ٹیمیں پاکستان میں منعقد ہونے والی چیمپینز ٹرافی میں شرکت کریں گی۔

انہوں نے کہا کہ پاکستان کا یہی موقف انٹرنیشنل کرکٹ کونسل (آئی سی سی) میں بھی واضح طور پر پیش کیا جا چکاہے۔

واضح رہے کہ بھارت چیمپینز ٹرافی میں شرکت کے لیے پاکستان آنے سے انکار کرچکا ہے جب کہ بھارتی کرکٹ ٹیم کے علاوہ تمام ٹیمیں ٹورنامنٹ میں شرکت کریں گی۔