سینئر اداکارہ سویرا ندیم کی والدہ چل بسیں
پاکستانی شوبز کی سینئر اداکارہ سویرا ندیم کی والدہ انتقال کرگئیں
سویرا ندیم نے سوشل میڈیا پلیٹ فارم انسٹاگرام پر پوسٹ میں مداحوں کے ساتھ اپنی والدہ کے انتقال کی خبر دی جس پر مداحوں کی جانب سے اداکارہ کی والدہ کے فوتگی پر افسوس کا اظہار کرتے ہوئے مغفرت کی دعائیں کی گئیں۔
سویرا ندیم کے ساتھی فنکاروں نے بھی اداکارہ سے اظہار تعزیت کرتے ہوئے ان کی والدہ کے درجات بلندی کیلئے دعا کی اور افسوس کا اظہار کیا۔
اداکارہ نے انسٹاگرام پوسٹ میں والدہ کو خراج عقیدت پیش کرتے ہوئے لکھا کہ ان کی والدہ، ان کی زندگی کا فخر اور خوشی تھیں جو اب بہتر دنیا کی طرف روانہ ہوچکی ہیں۔
View this post on Instagram
سویرا ندیم نے لکھا کہ ان کی والدہ ایک بہادر خاتون تھیں جنہوں نے زندگی سے ملنے والی تمام مشکلات کا ڈٹ کر مقابلہ کیا اور صبر اور ہمت کی مثال بن گئیں۔
اداکارہ نے کہا کہ ان کی والدہ ان کی زندگی کی ملکہ ہیں اور ان کی مغفرت کے لیے بھی دعائیں کیں۔
یاد رہے کہ سویرا ندیم نے والدہ کی صحت یا انتقال کی وجہ بتانے سے گریز کیا ہے۔
سویرا ندیم کی والدہ کے انتقال پر شوبز شخصیات سمیت مداحوں نے ان سے اظہار افسوس کرتے ہوئے ان کی والدہ کے لیے مغفرت کی دعائیں بھی کیں۔
