کھیل و ثقافت
پاکستان نے انڈر19 ایشیاکپ کے سیمی فائنل میں جگہ پکی کرلی
دبئی : گرین شرٹس نے یو اے ای کو 69 رنز سے شکست دے کرسیمی فائنل میں جگہ پکی کرلی
ایشین کرکٹ کونسل انڈر 19 ایشیا کپ کرکٹ میں پاکستان نے دوسرے میچ میں متحدہ عرب امارات کو 69 رنز سے شکست دے کر سیمی فائنل کےلیے کوالیفائی کرلیا۔
شاہزیب خان نے ایونٹ میں مسلسل دوسری سنچری اسکور کرتے ہوئے 132 رنز کی اننگز کھیلی جبکہ ریاض اللّٰہ نے 106 رنز اسکور کیے۔
پاکستان نے پہلے بیٹنگ کرتے ہوئے مقررہ 50 اوورز میں 3 وکٹ پر 314 رنز اسکور کیے، ہدف کے تعاقب میں یو اے ای کی ٹیم 245 رنز ہی بناسکی، یوں اسے 69 رنز سے شکست کا سامنا کرنا پڑا۔
واضح رہے کہ انڈر 19 ایشیاء کپ میں پاکستان نے فاتحانہ آغاز کرتے ہوئے بھارت کو 43 رنز سے شکست دی تھی۔
