تلخیاں ختم کرنے کیلئے مذاکرات ضروری ہیں : ایاز صادق

اسلام آباد: حکومت اور پی ٹی آئی میں مذاکرات کے لیے اسپیکر نے اپنی خدمات پیش کردیں

اسپیکر قومی اسمبلی ایاز صادق کا کہنا ہے کہ سیاسی ایشوز سمیت کسی بھی معاملے پر مذاکرات میں کردار ادا کرنے کو تیار ہوں، کل ایوان میں ہونے والی بحث خوش آئند تھی۔

ایاز صادق کا کہنا ہے کہ حکومت اپوزیشن مذاکرات کے لیے میرا آفس اور گھر ہر وقت حاضر ہے، حکومت اپوزیشن میں تلخیاں ختم کرنے کےلیے مذاکرات ضروری ہیں۔

گزشتہ روز قومی اسمبلی اجلاس میں ویراعظم کے مشیر سیاسی امور رانا ثنا اللہ نے پی ٹی آئی کو مذاکرات کی پیشکش کرتے ہوئے کہا تھا کہ جب تک حکومت اور اپوزیشن کے درمیان ڈائیلاگ نہیں ہوگا یہ سسٹم نہیں چل سکتا۔