ملک سے فتنہ الخوارج کے مکمل خاتمے تک کارروائیاں جاری رکھیں گے : صدرِ مملکت

اسلام آباد: صدرِ مملکت نے جنوبی وزیرستان میں چیک پوسٹ پر دہشت گرد حملے کی مذمت کرتے ہوئے حملے میں 16 بہادر جوانوں کی شہادت پر خراج عقیدت پیش کیا ہے۔

صدرِ مملکت آصف علی زرداری کا کہنا ہے کہ دہشت گردی کی لعنت کے مکمل خاتمے تک کارروائیاں جاری رکھیں گے۔
انہوں نے شہداء کے لواحقین سے اظہار تعزیت اور صبر جمیل کی دعا کرتے ہوئے ملک سے فتنہ الخوارج کے مکمل خاتمے تک کارروائیاں جاری رکھنے کے عزم کا اظہار کیا ہے۔
آصف زرداری کا کہنا ہے کہ پوری قوم دہشت گردی کے خلاف جنگ میں اپنی فورسز کے ساتھ ہے، دہشت گرد ملک و قوم اور انسانیت کے دشمن ہیں۔