بانی پی ٹی آئی نے حکومت سے مذاکرات کا خیر مقدم کیا ، بیرسٹر گوہر

پاکستان تحریک انصاف ( پی ٹی آئی ) کے چیئرمین بیرسٹر گوہر نے کہا ہے کہ بانی پی ٹی آئی نے حکومت سے مذاکرات کا خیر مقدم کیا ہے۔

منگل کے روز اڈیالہ جیل راولپنڈی میں بانی پی ٹی آئی سے ملاقات کے بعد میڈیا سے گفتگو کرتے ہوئے بیرسٹر گوہر کا کہنا تھا کہ بانی پی ٹی آئی نے مذاکرات کا خیرمقدم کیا ہے اور ٹائم فریم ہونے پر زور دیا ہے۔

بیرسٹر گوہر کا کہنا تھا کہ ٹائم فریم کے اندر مذاکرات میں پیشرفت ہونی چاہیے۔

پی ٹی آئی چیئرمین کا کہنا تھا کہ 2 جنوری کی میٹنگ میں تحریری طور پر مطالبات پیش کریں گے جبکہ ہماری کوشش ہے مذاکراتی کمیٹی کی بانی پی ٹی آئی سے ملاقات ہو جائے۔

ان کا کہنا تھا کہ امید ہے بات چیت نتیجہ خیز ہوگی۔

انہوں نے بتایا کہ ملاقات کے دوران سول نافرمانی کی تحریک پر بانی پی ٹی آئی سے کوئی بات نہیں ہوئی۔