عمران خان نے پارٹی کے چیف الیکشن کمشنر کا استعفیٰ منظور کر لیا

اسلام آباد : چیئرمین تحریک انصاف عمران خان نے پارٹی رہنماﺅں سے مشاورت کے بعد پی ٹی آئی کے چیف الیکشن کمشنر تسنیم نورانی اور دیگر ممبران کا استعفیٰ منظور کر لیا ہے ۔
تفصیلات کے مطابق چیئرمین تحریک انصاف عمران خان کی زیر صدارت پارٹی رہنماﺅں کا اجلاس ہوا جس میں پارٹی انتخابات کے طریقہ کار کے اختلاف پر چیف الیکشن کمشنر کے استعفے کے حوالے سے تبادلہ خیال کیا گیا ۔اجلاس کے بعد جاری کیے گئے علامیے میں کہا گیا ہے کہ تسنیم نورانی اور دیگر ممبران نے استعفیٰ دینے میں جلد بازی کا مظاہرہ کیا ہے ،31مارچ کو عمران خان اور ٹیکنیکل کمیٹی کا اجلاس طے تھا جس میں پارٹی الیکشن کے طریقہ کار پر غور کیا جانا تھا ۔