نامعلوم افراد نے تین نوجوانوں پر کیمیکل پھینک دیا

تفصیلات کے مطابق لاہور کے علاقہ وحدت کالونی رحمان پورہ میں نامعلوم موٹر سائیکل سوار تین افراد پر کیمیکل پھنک کر فرار ہوگئے، تینوں افراد کو سروسز اسپتال منتقل کردیا۔

وحدت کالنی رحمان پورہ بی بلاک میں 15 سالہ اسامہ ، 16سالہ فرقان اور 19 سالہ حمزہ تینوں مارکیٹ میں کھڑے تھے کہ اچانک موٹرسائیکل سواردو نامعلوم افراد نے تینوں لڑکوں کے چہروں پر کیمکل پھینک دیا، جس کے باعث تینوں افراد شدید زخمی ہوگئے جن کو سروسز اسپتال منتقل کردیا ۔

ڈاکٹروں کے مطابق فرقان کی حالت تشویشناک ہے جبکہ اسامہ اورحمزہ بھی کیمیکل سے شدید متاثر ہوئے ہیں ۔

پولیس کے مطابق ملزمان کے خلاف اقدام قتل کا مقدمہ درج کرکے کارروائی کی جائے گی، تاہم آخری اطلاعات تک کوئی گرفتاری عمل میں نہیں آئی تھی.