وزیراعظم نوازشریف کی وطن واپسی پرشانداراستقبال کی تیاریاں
وزیر اعظم نواز شریف کی لندن وطن کی واپسی کے حوالے سے رائیونڈ میں مشاورتی اجلاس منعقد ہوا جس میں وزیر اعظم کی وطن واپسی کے حوالے سے انتطامات پر غورکیا گیا۔
تفصیلات کے مطابق وزیر اعظم نواز شریف لندن میں اوپن ہارٹ سرجری کے بعد تیزی سے صحت یاب ہورہے ہیں۔ شریف فیملی نے وزیر اعظم کی وطن واپسی کے حوالے سے انتظامات شروع کردیئے ہیں۔
استقبال کے حوالے سے ایک مشاورتی اجلاس وزیر اعظم کی صاحبزادی مریم نواز کی زیر صدارت ہوا جس میں استقبال کی تیاریوں کے حوالے سے غور خوص کیا گیا۔
وزیر اعظم کی وطن واپسی پر ان کا استقبال ترانوں سے کیا جائے گا، ترانے نواز شریف کے استقبال کے حوالے سے تیار کروائے گئے ہیں، مریم نواز کو پارٹی ترانوں کے ڈیمو پیش کئے گئے۔
انہوں نے ایڈورٹائزنگ ایجنسیوں سے تیار کرائے گئے ترانے سنے، ذرائع کا کہنا ہے ان میں سے مریم نواز نے کچھ ترانے شارٹ لسٹ کر لیے ہیں حمتی فیصلہ مشاورت کے بعد کیا جائے گا۔
ذرائع کے مطابق پارٹی ترانوں کی شاعری چند روز قبل اسلام آباد میں ہونے والے اجلاس میں فائنل کی گئی تھی
