حضرت خواجہ فرید الدین گنج شکر رحمۃ اللہ علیہ کا 774 واں عرس شروع

حضرت خواجہ فرید الدین گنج شکر رحمۃ اللہ علیہ کا سات سو چوہتر واں عرس آج سے پاک پتن میں شروع ہوگیا ہے۔

حضرت خواجہ فرید الدین گنج شکر رحمۃ اللہ علیہ کا سات سو چوہتر واں عرس آج سے پاک پتن میں شروع ہوگیا ہے، دیوان احمد مسعود مودود چشتی نے چادر چڑھاکر عرس کا باقاعدہ آغاز کردیا ہے۔

عرس کے موقع پرسیکیورٹی کو بہتر بنانے کیلئے پولیس اہلکاروں کو تعنیات کردیا گیا، دربار کے داخلی و خارجی راستوں پر واک تھر گیٹ نصب کردیئے اور سی سی ٹی وی کمیروں کے ذریعے مانیٹرنگ بھی کی جارہی ہے۔

عرس کے موقع پر خواجہ غریب نواز انٹرنیشنل ویلفیئر ٹرسٹ اور احساس انٹرنیشنل ویلفیئر ٹرسٹ کی جانب سے لنگر کا اہتمام کیا گیا ہے جو دس محرم تک جاری رہیگا۔

عرس میں شرکت کیلئے دنیا بھر سے زائرین کی آمد کا سلسلہ جاری ہے، عرس کے موقع پر عقیدت مندوں کی ایک بڑی تعداد مزار پر حاضری دے رہی ہے جبکہ قرآن خوانی ، مزار پر پھول اور چادریں چڑھا کر عقیدت کا اظہار کیاجارہا ہے ۔