ارکان پارلیمنٹ بریگزٹ ڈیل پر تعاون کریں ،برطانوی وزیراعظم کی اپیل

لندن: برطانوی وزیر اعظم ٹریزا مے نے قانون سازوں سے اپیل کی ہے کہ وہ بریگزٹ ڈیل پر کسی سمجھوتے پر متفق ہونے میں تعاون کریں۔ غیر ملکی خبر رساں ادارے کے مطابق مشکل مذاکراتی عمل کے بعد برطانیہ کے یورپی یونین سے الگ ہونے کے معاملے پر یورپی رہنماؤں سے مہلت حاصل کرنے میں کامیاب ہوگئیں ۔ یوں اب فوری طور پر نو ڈیل بریگزٹ کا امکان ختم ہو گیا ہے۔ اب برسلز نے لندن کو بریگزٹ کے لیے اکتیس اکتوبر کی تاریخ دی ہے۔ اس طرح اب برطانیہ مئی میں ہونے والے یورپی پارلیمانی انتخابات میں بھی حصہ لے سکے گا۔