آئرلینڈ : سب نے مر جانا ہے چاہے کورونا ہو یا نہیں ہو
ماسک نہ پہننے پر مسافر خاتون نے جہاز میں ہنگامہ کھڑا کردیا ، سب نے مر جانا ہے چاہے کورونا ہو یا نہیں۔
یہ واقعہ نارتھ آئرلینڈ سے ایڈنبرا جانے والی فلائٹ میں پیش آیا ، کورونا وائرس کے پھیلاؤ کو روکنے کے لیے ماسک نہ پہننے پر خاتون مسافر کو جہاز سے اتار دیا گیا، مذکورہ خاتون غصے سے چلا رہی تھی کہ سب نے مر جانا ہے چاہے کورونا ہو یا نہیں۔
خاتون مسافر کے ماسک نہ پہننے پر عملے نے اسے متنبہ کیا لیکن وہ غصے کے عالم میں عملے پر ہی برس پڑی۔
ائیرلائن کے عملے نے اڑان بھرنے سے قبل مسافروں کو ماسک پہننے کی تاکید کی لیکن جہاز میں موجود ایک خاتون مسافر نے ہدایت کو نظر انداز کیا اور ماسک پہننے سے انکار کردیا۔
اس دوران کچھ مسافروں نے بھی اس کو سمجھانے کی کوشش کی جس پر وہ آپے باہر ہوگئی اور چیختے ہوئے کہا کہ سب نے مر جانا ہے چاہے کورونا ہو یا نہیں۔ ہر کوئی مر جاتا ہے یہی واحد چیز ہے جو حقیقت ہے۔
An Easyjet passenger is thrown off the Belfast to Edinburgh flight this afternoon after she refused to wear a face covering 👀 pic.twitter.com/YwRLNBK8aA
— stephen 🇬🇧 (@LFC_blano) October 18, 2020
جہاز سے اترتے ہوئے اس نے سیٹ پر آکر اپنا سامان اٹھایا اور جان بوجھ کر جہاز میں بیٹھے دیگر مسافروں کے منہ پر کھانسنے کی کوشش بھی کی۔
اس موقع پر ایک عینی شاہد نے میڈیا کو بتایا کہ مذکورہ خاتون اپنی سیٹ پر موجود تھی جب اسے عملے نے ماسک پہننے کی تاکید کی جس پر اس نے اپنے شدید درعمل کا اظہار کیا حالانکہ جہاز کے سفر کا دورانیہ محض50منٹ کا تھا۔
اس حوالے سے ذرائع کا کہنا ہے کہ جہاز سے اتارنے کے بعد مذکورہ خاتون کو بیلفاسٹ کے ہوائی اڈے پر گرفتار کرلیا گیا تھا۔
