اسلام آباد : وفاقی محتسب برائے انسداد ہراسانی و سابق رکن قومی اسمبلی کشمالہ طارق کی ڈانس کی ویڈیو سوشل میڈیا پر وائرل ہوگئی، کشمالہ طارق اپنی شادی کی تقریب میں رقص کررہی ہیں۔
سوشل میڈیا پر وائرل ویڈیو میں کشمالہ طارق گزشتہ رات منعقدہ اپنی شادی کی تقریب میں دیگر مہمانوں کے ہمراہ ڈانس کرتی ہوئی نظر آرہی ہیں۔
کہا جارہا ہے کہ مذکورہ ویڈیو کشمالہ طارق کی شادی کی نہیں بلکہ ڈھولک کی محفل کے دوران ڈانس کرنے کی ہے۔
متعدد میڈیا رپورٹس میں کہا جارہا ہے کہ پاکستانی سیاستدان اور وفاقی محتسب برائے انسداد ہراسانی کشمالہ طارق چند قریبی عزیزوں کی موجودگی میں اسلام آباد سے تعلق رکھنے والے بزنس مین وقاص خان کے ساتھ شادی کے بندھن میں بندھ گئیں جو اسلام آباد میں بیسٹ ویسٹرن ہوٹل کے مالک ہیں۔
کشمالہ طارق کی شادی کی تقریبات کا آغاز ہوگیا ہے، ذرائع کے مطابق یہ کشمالہ طارق کی تیسری شادی ہے۔
