ترک اداکارہ اسرا بیلگیچ بھی زلمی کے ساتھ وابستہ ہوگئیں
اسرا بیلگیچ بھی پشاور زلمی کا حصہ بن گئیں
ترک ڈرامہ سیریز ’ارطغرل غازی‘ سے دنیا بھر میں مشہور ہونے والی اداکارہ اسرا بیلگیچ بھی پشاور زلمی کا حصہ بن گئیں ہیں۔
پشاور زلمی کے چیئرمین جاوید آفریدی کی جانب سے سماجی رابطے کی ویب سائٹ ٹوئٹر پر اسرا بیلگیچ کے زلمی کے ساتھ وابستہ ہونے کی خبر سامنے آئی ہے۔
WELCOME ESRA BILGIC @esbilgic TO THE ZALMI FAMILY. #HALIMESULTANXZALMI #ZKINGDOM pic.twitter.com/PcAgyhBpOk
— Javed Afridi (@JAfridi10) February 19, 2021
جاوید آفریدی نے اپنی پوسٹ میں اسرا بیلگیچ کے حوالے سے لکھا کہ ہم انہیں پشاور زلمی کی فیملی کا حصہ بننے پر خوش آمدید کہتے ہیں۔
زلمی کے چیئرمین کا کہنا ہے کہ پشاور زلمی کے ترانے کی اوپننگ میں تمام ایمبیسڈر شریک ہوں گے۔
واضح رہے کہ پاکستان سُپر لیگ کی ٹیم پشاور زلمی کے ترانے کا ٹیزر بھی جاری کر دیا گیا ہے۔
ہر سال کی طرح اس سال بھی پاکستان سپر لیگ کی ٹیموں کی جانب سے اپنے آفیشل ترانے جاری کرنے کا سلسلہ جاری ہے۔
جاوید آفریدی کی جانب سے ٹوئٹر پر کرکٹ شائقین کے ساتھ 23 سیکنڈ کا ٹیزر شیئر کیا گیا ہے۔
