ڈاکٹر فضیلہ عباسی نے تُرک اداکار چنگیز جوشقون کا انتخاب کرلیا
ڈاکٹر فضیلہ عباسی اور مشہور تُرک اداکار چنگیز جوشقون میں معاہدہ طے ہو گیا۔
حمزہ علی عباسی کی بہن ڈاکٹر فضیلہ عباسی نے اپنے اسکن لائن برانڈ کے ایمبیسڈر کے لیے تُرکی کے مشہور تاریخی ڈرامہ سیریل ’ارطغرل غازی‘ میں اہم اور مضبوط ترین ’ تُرگُت سپاہی‘ کا کردار ادا کرنے والے تُرک اداکار چنگیز جوشقون کا انتخاب کیا ہے۔
بہن فضیلہ عباسی پیشے کے لحاظ سے ایک اسکن اسپیشلسٹ ہیں، فضیلہ عباسی پاکستان اور بیرون ملک اسکن ٹریٹمنٹ دیتی ہیں۔
تاہم فضیلہ عباسی کی جانب سے اب پاکستان میں بھی اپنا برانڈ متعارف کروایا جا رہا۔
فضیلہ عباسی کی جانب سے اپنے انسٹا گرام اکاؤنٹ پر ایک پوسٹ شیئر کی گئی ہے جس میں انہیں چنگیز جوشقون کے ساتھ دیکھا جا سکتا ہے۔
View this post on Instagram
فضیلہ عباسی کا اپنی پوسٹ میں کہنا ہے کہ تاریخ میں پہلی بار اب وہ پاکستان میں مرد حضرات کے لیے ایکسکلوزیو اسکن کیئر لائن کھولنے جا رہی ہیں۔
دوسری جانب یہی تصویر چنگیز جوشقون کی جانب سے بھی اپنے انسٹا گرام اکاؤنٹ پر شیئر کی گئی ہے جس پر اُنہوں نے جَلد پاکستان آنے کا بھی عندیہ دیا ہے۔
View this post on Instagram
فضیلہ عباسی کی اس پوسٹ پر پاکستان میں موجود چنگیز جوشقوں کے مداحوں کی جانب سے خوشی کا اظہار کیا جا رہا ہے۔
