رابعہ بٹ کے نئے برائیڈل شوٹ کی تصاویر وائرل ہوگئیں

پاکستان کی خوبرو اداکارہ رابعہ بٹ نے اپنے برائیڈل شوٹ کی سوشل میڈیا پر تصویریں شیئر کی ہیں جس پر وہ مداحوں کی جانب سے خوب تعریفیں بٹور رہی ہیں۔

فوٹو، ویڈیو شیئرنگ ایپلیکیشن انسٹا گرام پر رابعہ بٹ کی جانب سے اپنے نئے برائیڈل شوٹ کی تصویریں اپنے مداحوں و فالوورز کے ساتھ شیئر کی گئی ہیں جن پر دیکھتے ہی دیکھتے ہزاروں لائیک اور تعریفی کمنٹس آ گئے ہیں۔

رابعہ بٹ کی جانب سے اپنی ایک خوبصورت تصویر شیئر کرتے ہوئے معنی خیز کیپشن لکھا گیا ہے جس پر معروف اداکارہ و میزبان عائشہ عمر کی جانب سے بھی کمنٹ کیا گیا ہے۔

رابعہ بٹ کا تصویر کے کیپشن میں کہنا ہے کہ ’اب سمجھ میں آتا ہے کہ کیوں خدا نے نظریں نیچی رکھنے کا حکم دیا ہے،جبکہ اسی کیپشن پر عائشہ عمر کا رابعہ کی تعریف کرتے ہوئے کہنا ہے کہ میری حسینہ، آپ سے نظریں ہٹی ہیں کہاں ہیں۔

رابعہ بٹ کی ان تصویروں پر اُن کے مداحوں کی جانب سے تعریفی کمنٹ کا سلسلہ تا حال جاری ہے جن میں اُن کا رابعہ بٹ کی اداکاری اور خوبصورتی کی تعریف کرتے ہوئے کہنا ہے کہ رابعہ بٹ کی آنکھیں بہت حسین ہیں۔