سرکاری و نجی اسکولز 6 اپریل سے 15 دن بند رکھنے کا فیصلہ
کراچی: سندھ میں آٹھویں جماعت تک تمام اسکول 6 اپریل سے بند کرنے کا فیصلہ کیا گیا ہے۔
سندھ کے تمام آٹھویں جماعت تک تمام سرکاری و نجی اسکولز 6 اپریل سے 15 دن بند رکھنے کا فیصلہ کیا گیا ہے۔
وزیر تعلیم سندھ سعید غنی نے سندھ کے تمام سرکاری و نجی اسکولز 15 روز کیلئے بند کرنے کا فیصلہ کیا ہے۔
محکمہ تعلیم سندھ نے Covid کی صورتحال کے پیش نظر صوبے بھر کے تمام سرکاری و نجی اسکولوں میں آٹھویں جماعت تک میں 6 اپریل بروز منگل سے اگلے پندرہ روز کیلئے Physical کلاسز معطل کرنے کا فیصلہ کیا ہے تاہم بچوں کی تعلیم کو آن لائن، ہوم ورک اور دیگر ذرائع سے جاری رکھا جاسکتا ہے۔
— Senator Saeed Ghani (@SaeedGhani1) April 4, 2021
سعید غنی کا کہنا ہے کہ آٹھویں جماعت تک اسکول 6 اپریل سے15 دن بند رکھنے کا فیصلہ کیا گیا ہے، محکمہ تعلیم سندھ نے فیصلہ کورونا کی صورت حال کے پیش نظر کیا ہے۔
دوسری جانب وفاقی وزیر تعلیم شفقت محمود کا کہنا ہے کہ تعلیمی اداروں کی بندش سے متعلق فیصلہ منگل کو ہونے والے این سی او سی کے اجلاس میں کیا جائے گا، تمام صوبوں کے صحت اور تعلیم کے وزراء اور این سی او سی حکام مل کر فیصلہ کریں گے۔
