ہمیں حزب اختلاف سے کوئی خطرہ نہیں ہے

اسلام آباد : وفاقی وزیر داخلہ نے کہا ہے کہ وزیراعظم عمران خان نے اپوزیشن کو نظر انداز کرنے کی ہدایت کردی۔

میڈیا سے گفتگو میں شیخ رشید نے کہاکہ وزیراعظم نے اپوزیشن کو نظر انداز کرنے کا کہہ دیا کیونکہ ہمیں حزب اختلاف سے کوئی خطرہ نہیں ہے۔

انہوں نے کہا کہ وزیراعظم نے ہدایت کی کہ حکومت اقدامات اور کارکردگی کو بھرپور طریقے سے اجاگر کیا جائے۔

وفاقی وزیر داخلہ نے مزید کہا کہ وزیراعظم نے وزیر خزانہ کو ہدایت کی کہ آٹا، چینی اور دیگر اشیاء سستی قیمت پر فراہم کی جائیں۔

ان کا کہنا تھا کہ عمران خان نے وزیرخزانہ سے کہہ دیا کہ وہ اشیائے ضروریہ کی قیمتوں میں کمی کے لیے بھرپور اقدامات کریں۔