تین سالہ بچہ جو پورے گھر والوں کیلئے کھانا بناتا ہے ، ناقابل یقین خبر

نیویارک: ٹک ٹاک پرخاتون نے اپنے 3سالہ بیٹے کی کھانا پکانے کی ایسی صلاحیت کا انکشاف کیا ہے کہ لوگ دیکھتے ہی رہ گئے۔

دی مرر کے مطابق لورا نامی اس ٹک ٹاک صارف نے اپنے تین سالہ بیٹے کی کھانا بنانے کی ویڈیو شیئر کی جس میں اس بچے کی مہارت دیکھ کر ہر کوئی ہکا بکا رہ گیا۔

لورا نے بتایا کہ میرا بیٹے کی عمر ابھی 14ماہ تھی جب وہ کچن میں داخل ہوا اور میرے ساتھ مختلف کام کرنے شروع کیے۔ اب وہ اتنا ماہر ہو چکا ہے کہ پوری فیملی کے لیے کھانا بناتا ہے۔

رپورٹ کے مطابق اس نے جب میرے ساتھ کام کرنا شروع کیا تو ابتداءمیں میں اسے ابتدائی کام کرنے کو کہتی تھی، مثال کے طور پر برتن میں پانی یا گھی ڈالنا، مختلف چیزوں کو مکس کرنا، پین کو مکھن لگانا وغیرہ۔

بتدریج وہ سیکھتا چلا گیا اور اب کئی طرح کے کھانے اکیلا بناتا ہے۔لورا کی اپنے ٹک ٹاک اکاؤنٹ پر پوسٹ کی گئی اس ویڈیو میں دیکھا جا سکتا ہے کہ یہ ننھا سا بچہ کرسی کے اوپر کھڑے ہو کر چولہے پر کھانا بنا رہا ہوتا ہے۔

لورا نے بتایا کہ میں نے اپنے بیٹے کی آسانی کے لیے تمام چیزوں کو کنٹینرز میں ڈال کر ایسی جگہ پر رکھ دیا ہے جہاں سے وہ آسانی سے انہیں اٹھا سکے۔ یہ ویڈیو تیزی سے وائرل ہو رہی ہے اور اب تک اسے 10لاکھ سے زائد لوگ دیکھ چکے ہیں۔