ہمارے اختلافات اپنی جگہ پر ہیں لیکن مقصد ایک ہی ہے
کراچی: ناصر حسین شاہ نے کہا کہ آج کی فتح تمام اپوزیشن کی فتح ہے، چلو جشن منائیں۔
آئیں مل کر پی ٹی آئی کی شکست کا جشن منائیں، ناصر حسین شاہ کا مریم نواز کو جواب
وزیر اطلاعات سندھ ناصر حسین شاہ نے مسلم لیگ نون کی نائب صدر مریم نواز کو این اے 249 کے ضمنی انتخاب میں پی ٹی آئی کو شکست دینے پر مل کر جشن منانے کا کہہ دیا۔
ناصر حسین شاہ نے ٹوئٹر پر مریم نواز کے ٹوئٹ پر ردعمل دیتے ہوئے کہا کہ ’الیکشن کمیشن آف پاکستان (ای سی پی) میں جانے کا آپ کو پورا حق حاصل ہے اور آپ اسے ضرور استعمال بھی کریں۔‘
انہوں نے کہا کہ اس سے پہلے سلیکٹڈ جماعت پی ٹی آئی کو بدترن شکست دینے پر ایک دوسرے کو مبارکباد دیتے ہیں۔
You have the right to go to ECP & you must use it, but first let’s congratulate each other on sending the selected PTI to more disgrace with each passing day. Our differences r in place, but the goal is the same. Today’s victory is the victory of all opposition. Lets celebrate https://t.co/zWYl7y5lKn
— Syed Nasir Hussain Shah (@SyedNasirHShah) April 29, 2021
ناصر حسین شاہ نے یہ بھی کہا کہ ہمارے اختلافات اپنی جگہ پر ہیں لیکن مقصد ایک ہی ہے۔
انہوں نے کہا کہ آج کی فتح تمام اپوزیشن کی فتح ہے، چلو جشن منائیں۔
کراچی کے حلقہ این اے 249 کے غیر حتمی اور غیر سرکاری نتائج کے مطابق پیپلز پارٹی کے قادر مندوخیل جیت چکے ہیں۔
حلقے کے 276 پولنگ اسٹیشنز کے تمام غیر حتمی اور غیر سرکاری نتائج کے مطابق پیپلز پارٹی کے قادر مندوخیل 16ہزار 156 ووٹ لے کر پہلے جبکہ ن لیگ کے مفتاح اسماعیل 15ہزار 473 ووٹ لے کر دوسرے نمبر پر ہیں۔
