اداکارہ ماہرہ خان نے اہم انکشاف کر دیا
پاکستان شوبز انڈسٹری کی صفہ اول اداکارہ ماہرہ خان نے اہم انکشاف کر دیا ہے۔
ماہرہ خان نے حال ہی میں ایک انٹرویو کے دوران خود سے متعلق دلچسپ معلومات اپنے مداحوں کے ساتھ شیئر کی ہے جس کی ویڈیو انسٹاگرام پر وائرل ہو رہی ہے۔
View this post on Instagram
ماہرہ خان سے شو کی میزبان کی جانب سے سوال کیا گیا کہ کیریئر کے دوران کس ڈرامے یا فلم میں کونسا کردار ادا کرنا ماہرہ خان کے لیے مشکل ترین ثابت ہوا ہے؟
جس کے جواب میں اداکارہ نے بتایا کہ وہ ایک نئے پروجیکٹ میں کام کر رہی ہیں جس میں اُنہیں ایک نابینا لڑکی ’نیلو فر‘ کا کردار ادا کرنا ہے۔
ماہرہ خان کا کہنا تھا کہ اُن کے لیے نیلو فر کا کردار اب تک کے سب ہی کرداروں سے مشکل ثابت ہوا ہے۔
دوسری جانب دوارانِ انٹرویو ماہرہ خان نے بتایا کہ اگر اُنہیں پاکستان کے اداکار و میزبان ساحر لودھی اور بھارت کے شاہ رُخ خان میں سے کسی ایک کا انتخاب کرنے کا کہا جائے تو وہ ساحر لودھی کو شاہ رُخ خان پر فوقیت دیں گی۔
