اسلام آباد
آزاد کشمیر انتخابات میں منظم طریقے سے دھاندلی ہو رہی ہے
اسلام آباد:آزاد کشمیر انتخابات میں وفاقی حکومت کی دھاندلی پر پیپلز پارٹی کی رہنما شیریں رحمان کا رد عمل سامنے آگیا۔
شیری رحمان کا کہنا تھا کہ آزاد کشمیر انتخابات میں منظم طریقے سے دھاندلی ہو رہی ہے، کوٹلی میں پیپلز پارٹی کے امیدوار پر پی ٹی آئی کے کارکنان نے فائرنگ کی، کئی پولنگ اسٹیشنز کی ووٹر فہرستوں میں واضح فرق ہے۔
ان کا کہنا تھا کہ فوارہ چوک پولنگ اسٹیشن پر پولیس نے پیپلز پارٹی کے کیمپ کو اکھاڑ دیا، ایل اے 27 پر پولنگ کا عمل بھی روک دیا گیا، پیپلزپارٹی نے الیکشن کمیشن کو معاملے کی تحریری شکایت جمع کرادی ہے۔
انہوں نے کہا کہ الیکشن کمیشن حکومتی دھاندلی کو روکے اور شفافیت کو یقینی بنائے، وفاقی حکومت انتخابات چوری کرنے کی بھرپور کوشش کر رہی ہے۔
