صدر عارف علوی کی جانب سے حارث رؤف کی باؤلنگ اور آصف علی کی بیٹنگ کو سراہا گیا

اسلام آباد: صدر مملکت عارف علوی نے سماجی رابطے کی ویب سائٹ ٹوئٹر پر اپنے بیان میں کہا کہ بہترین پرفارمنس گرین شرٹس، آپ نے جیت کا تسلسل برقرار رکھتے ہوئے نیوزی لینڈ کی جانب سے اپنی سرزمین پر دورہ ملتوی کرنے کا بدلہ لے لیا

ٹوئٹ میں صدر عارف علوی کی جانب سے حارث رؤف کی باؤلنگ اور آصف علی کی بیٹنگ کو سراہا گیا۔

یہ بھی پڑھیں : امریکی صدر جوبائیڈن کی صدرعارف علوی کو یومِ پاکستان پر مبارکباد

 نیوزی لینڈ نے پاکستان کو جیت کے لیے 135 رنز کا ہدف دیا تھا جسے شاہینوں نے 19 اوورز میں حاصل کرلیا۔ آصف علی کی جانب سے عمدہ بیٹنگ کا مظاہرہ کیا گیا۔