وزیراعظم نواز شریف اور روسی صدر پیوٹن کے درمیان جون میں ملاقات متوقع

اسلام آباد: وزیراعظم نواز شریف اور روسی صدر پیوٹن کے درمیان جون میں ملاقات متوقع ہے۔ سفارتی ذرائع کے مطابق، دونوں رہنماوں کی باضابطہ ملاقات شنگھائی تعاون تنظیم کے اجلاس کے موقع پر ہوگی۔ ذرائع کے مطابق، دفتر خارجہ نے وزیراعظم اور روسی صدر پیوٹن کی دوطرفہ ملاقات کے لئے ایجنڈے کی تیاری شروع کر دی ہے۔ وزیراعظم نوازشریف اور روسی صدر پیوٹن بیجنگ میں ون بیلٹ ون روڈ فورم میں شریک ہوں گے، اس موقع پر وزیراعظم نواز شریف عالمی رہنماوں سے ملاقاتیں کرینگے، تاہم روسی صدر پیوٹن سے باضابطہ ملاقات طے نہیں ہے۔ شنگھائی تعاون تنظیم کا اجلاس 7 جون کو قازقستان کے شہرآستانہ میں ہو گا۔