سوڈان میں فوجی حکومت کے خلاف احتجاج میں 56افراد ہلاک ہوچکے ہیں

خرطوم: سوڈان کے وزیر اعظم عبد اللہ حمدوک نے فوج کے ساتھ نومبر2021 میں متنازع سیاسی معاہدہ کیا تھا

ٹیلی ویژن پرخطاب میں سوڈانی وزیراعظم کا کہنا تھا کہ ملک کوتباہی سے روکنے کے لئے بھرپورکوشش کی لیکن جوکچھ کہا گیا ویسا نہیں کیا گیا۔جمہوریت کی خاطراستعفی دینے کا اعلان کرتا ہوں۔

اب ملک کے حالت سنبھالنے کے لئےکسی اورکوموقع ملنا چاہئیے۔

یہ بھی پڑ ھیں : سوڈان نے اسرائیل کے ساتھ معاہدے پر دستخط کردیے

سوڈانی فوج نے اکتوبر2021 میں اقتدار پر قبضہ کرنے کے بعد عبد اللہ حمدوک کو گھر میں نظر بند کر دیا تھا تاہم نومبر میں اقتدار کی تقسیم کے معاہدے پر دستخط کرنے کے بعد انہیں بحال کر دیا گیا تھا۔

سوڈان میں فوجی حکومت کے خلاف احتجاج جاری ہے اتوارکوسیکورٹی فورسز کی مظاہرین پرفائرنگ سے2افراد ہلاک ہوگئے۔

سوڈان میں اکتوبر2021 کے بعد سے ہونے والے مظاہروں میں56 افراد ہلاک ہوچکے ہیں۔