چیونگم کا زیادہ استعمال گردن اور سردرد کا باعث
کیا آپ کے سر اور گردن میں اکثر درد رہتا ہے ؟ اگر ہاں تو اس کی وجہ کوئی جھٹکا وغیرہ نہیں بلکہ آپ کی اپنی ایک عام عادت ہوسکتی ہے۔
یہ بات امریکا میں ہونے والی ایک طبی تحقیق میں سامنے آئی۔
مانیں یا نہ مانیں مگر چیونگم کو مسلسل چبانے کی عادت آپ کی تکلیف کی وجہ ہوتی ہے۔
ویسے تو چیونگم کا استعمال ذہنی تناﺅ میں کمی لاسکتا ہے مگر مسلسل اپنے جبڑوں کو چلاتے رہنا گردن اور سردرد کا باعث بن جاتا ہے۔
تحقیق میں بتایا گیا ہے کہ چیونگم کو بہت دیر تک چبانا یا مسلسل استعمال کرنا ان حصوں پر دباﺅ ڈالتا ہے جہاں جبڑے کھوپڑی سے ملتے ہیں۔
تحقیق کے مطابق مسلز پر یہ دباﺅ سر اور گردن پر اثر انداز ہوتا ہے۔
یوٹی ساﺅتھ ویسٹرن میڈٰکل سینٹر کی تھقیق میں بتایا گیا ہے کہ مسلسل چیونگم کو چباتے رہنا جبڑوں کو تھکا دیتا ہے اور مسلز میں تھکاوٹ اور درد پیدا ہوتا ہے اور وہی آگے بڑھکر سر اور گردن میں منتقل ہوجاتا ہے۔
تحقیق کے مطابق آپ جتنا زیادہ ذہنی تناﺅ کا شکار ہوں گے چیونگم کو اسی شدت سے چبائیں گے اور بہت جلد سر یا گردن میں درد محسوس ہونے لگے گا۔
محققین نے تجویز دی ہے کہ اگر آپ اس عادت کو برقرار رکھنا چاہتے ہیں تو اس میں کچھ دنوں بعد وقفہ لیں تاکہ جبڑوں کو آرام مل سکے۔
