ایک تولہ سونے کی قیمت 2 ہزار 800 روپے اضافے کے بعد ایک لاکھ 96 ہزار روپے ہوگئی

مقامی صرافہ بازاروں میں سونے کے دام میں ایک مرتبہ پھر بڑا اضافہ دیکھا گیا ہے۔

ہفتے کے روز بین الاقوامی مارکیٹ میں سونے کے بھاؤ 19 ڈالر اضافے سے ایک ہزار 843 ڈالر فی اونس ہوگئی۔

بین الاقوامی مارکیٹ میں اضافے کا اثر مقامی صرافہ بازار پر بھی دیکھا گیا۔

ہفتے (18 فروری ) کو کراچی سیت ملک بھر کے صرافہ بازاروں میں ایک تولہ سونے کی قیمت 2 ہزار 800 روپے اضافے کے بعد ایک لاکھ 96 ہزار روپے ہوگئی۔

اسی طرح 10 گرام سونے کی قیمت 2 ہزار 400 روپے اضافے سے ایک لاکھ 68 ہزار 38 روپے ہوگئی۔

دوسری جانب چاندی کے بھاؤ میں بھی اضافہ دیکھا گیا اور فی تولہ چاندی کی قیمت 30 روپے بڑھ کر 2130 روپے ہوگئی۔