پاکستانی روپے کے مقابلے امریکی ڈالر مزید سستا ہوگیا

پاکستان میں روپے کے مقابلے میں امریکی ڈالر کی قدر میں کمی کا رجحان برقرار ہے۔

کرنسی ڈیلرز کے مطابق کاروباری ہفتے کے چوتھے روز کی ابتداء پر ملکی تبادلہ منڈیوں میں 40 پیسے سستا ہو کر ڈالر کی خرید و فروخت 282 روپے 50 پیسے میں جاری ہے۔

واضح رہے کہ گزشتہ روز انٹر بینک میں ڈالر کی قیمت 11 پیسے کمی کے بعد 282 روپے 90 پیسے ریکارڈ کی گئی تھی۔

دوسری جانب پاکستان اسٹاک ایکسچینج (پی ایس ایکس) میں آج کاروبار کا منفی رجحان دیکھا جا رہا ہے۔ کے ایس ای 100 انڈیکس 185 پوائنٹس کم ہو کر 62 ہزار 262 پر آگیا جو گزشتہ روز 62 ہزار 448 پوائنٹس پر بند ہوا تھا۔