عالمی منڈی میں تیل کی قیمتوں میں اضافہ

عالمی منڈی میں تیل کی قیمتوں میں اضافہ ریکارڈ کیا گیا ہے۔

رپورٹ کے مطابق امریکا اور چین میں بڑھتی ہوئی طلب کی وجہ سے جمعہ کو تیل کی قیمتوں میں اضافہ ہوا ہے۔

برینٹ کروڈ فیوچر 0.6 فیصد، یا 49 سینٹ بڑھ کر 83.45 ڈالر فی بیرل کی سطح پر پہنچ گیا جبکہ یو ایس ویسٹ ٹیکساس انٹرمیڈیٹ کروڈ فیوچر 0.7 فیصد یا 60 سینٹ بڑھ کر 79.53 ڈالر ہو گیا۔

انرجی انفارمیشن ایڈمنسٹریشن کے مطابق آنے والے ہفتوں میں مارکیٹ مزید سخت ہو سکتی ہے۔

یاد رہے کہ تیل برآمد کرنے والے ممالک کی تنظیم (اوپیک پلس) نے اتوار کے روز اپنی رضاکارانہ تیل کی پیداوار میں 2.2 ملین بیرل یومیہ (بی پی ڈی) کی کٹوتی کو دوسری سہ ماہی تک بڑھا دیا ہے تاکہ عالمی نمو کے خدشات اور گروپ سے باہر بڑھتی ہوئی پیداوار کے درمیان قیمتوں کی حمایت کی جاسکے۔