جناح سندھ میڈیکل یونیورسٹی میں کووڈ 19 اینٹی باڈیز کے خون ٹیسٹ کی تیاریاں مکمل
یہ ٹیسٹ ڈاکٹر کے مشورے سے انفیکشن کے 14دن کے بعد کرانا مفید سمجھا جا رہا ہے
کراچی:جناح سندھ میڈیکل یونیورسٹی کی ڈائیگنسٹک لیبارٹری میں کووڈ 19 اینٹی باڈیز کے خون کے ٹیسٹ کی سہولت میسر ہے۔
مزید معلومات سیل نمبر 03002206708 پر حاصل کی جا سکتی ہیں۔خون میں اینٹی باڈیز کا ٹیسٹ کرونا وائرس کے موجودہ انفیکشن کی بجائے جسم میں اس وائرس کی مدافعت کی مجموعی صلاحیت کو جانچتا ہے۔
یہ صلاحیت کسی وقت میں وائرس سے متاثر ہونے والے لوگوں میں پیدا ہوجاتی ہے جن میں سے بیشتر کو علامات ظاہر نہ ہونے کی بنا پر اپنے متاثر ہونے کا علم نہیں ہوا ہوتا۔
یہ ٹیسٹ ڈاکٹر کے مشورے سے انفیکشن کے 14دن کے بعد کرانا مفید سمجھا جا رہا ہے۔اس کے علاوہ جے ایس ایم یو کے انسٹیٹیوٹ آف فیملی میڈیسن کی او پی ڈی کلینک نے دوبارہ کام شروع کر دیا ہے۔ مریضوں کے ساتھ صرف ایک تیماردار کو آنے کی اجازت ہے اور ایس او پیز پر سختی سے عملدرآمد کیا جا رہا ہے۔ یہ کلینک عام بیماریوں کے علاج کے لیے فیملی میڈیسن کے ماہر ڈاکٹروں پر مشتمل ہے۔
مزید معلومات کے لیے: میڈیا سیل، جناح سندھ میڈیکل یونیورسٹی، ای میل: media.cell@jsmu.edu.pk
