اداکارہ ریا چکرورتی اور ان کے بھائی بڑی مشکل میں پڑ گئے
این سی بی نے ریا چکرورتی کے خلاف عدالت میں چارج شیٹ پیش کردی
سشانت سنگھ راجپوت کی گرل فرینڈ ریا چکرورتی اور ان کے بھائی بڑی مشکل میں پڑ گئے۔
بھارتی میڈیا رپورٹ کے مطابق نارکوٹکس کنٹرول بیورو نے بدھ کے روز عدالت میں اداکارہ ریا چکرورتی اس کے بھائی شوک چکرورتی اور دیگر کے خلاف الزامات کا مسودہ داخل کر دیا ہے۔ یہ الزامات جون 2020 میں اداکار سوشانت سنگھ راجپوت کی موت سے منسلک منشیات کے مقدمے میں درج کیے گئے تھے۔
سماعت کے دوران اسپیشل پبلک پراسیکیوٹر اتل سرپانڈے نے کہا کہ استغاثہ تمام ملزمان کے خلاف تمام الزامات کو برقرار رکھتا ہے، جیسا کہ عدالت کے سامنے پیش کی گئی چارج شیٹ میں ذکر کیا گیا ہے۔
“Not only is there often a right and wrong, but what goes around does come around. Karma exists.”
Palghar Sadhus lynching
DISHA AND SSR MURDER
ARNAB was tortured by the #UddhavThackeray goons.Where as #RheaChakraborty
Was given special protection
SSRians Hopefull In SSRCase pic.twitter.com/nUUity0Ek0— Sᴜᴍɪᴛᴀ ᴅᴀs🇮🇳 (@sumidas198) June 23, 2022
استغاثہ نے عدالت کو تجویز پیش کی کہ ریا چکرورتی اور اس کے بھائی شوک پر نشہ آور اشیاء کے استعمال کے ساتھ ساتھ سشانت سنگھ راجپوت کے لیے ان مادوں کی خریداری اور ادائیگی کے لیے فرد جرم عائد کی جائے۔
سرکاری وکیل سرپانڈے نے بھارتی میڈیا کو بتایا کہ عدالت تمام ملزمان کے خلاف یہ الزامات دائر کرنے والی تھی۔ تاہم ایسا نہیں کیا جا سکا کیونکہ چند ملزمان نے ڈسچارج کی درخواستیں دائر کیں ہیں۔ عدالت نے کہا کہ ملزمان کی بریت کی درخواستوں کا فیصلہ ہونے کے بعد ہی فرد جرم عائد کی جائے گی تاہم عدالت نے سماعت 12 جولائی تک ملتوی کر دی ہے۔
واضح رہے کہ ریا چکرورتی کو ستمبر 2020 میں سشانت سنگھ خودکشی کیس میں گرفتار کیا گیا تھا تاہم تقریباً ایک ماہ بعد انہیں ہائی کورٹ سے ضمانت مل گئی تھی علاوہ ازیں اس مقدمے میں مبینہ طور پر منشیات کے استعمال، قبضے اور مالی معاونت کے کئی دیگر ملزم بھی ضمانت پر رہا ہیں۔
