ایک ویلن کے سیکوئل نے باکس آفس پر دھوم مچا دی
جان ابراہم کی ’ایک ویلن ریٹرنز‘ ریلیز ہوتے ہی باکس آفس پر چھا گئی
بالی ووڈ کی 2014 کی مشہور فلم ’ایک ویلن‘ کے سیکوئل نے ریلیز ہوتے ہی باکس آفس پر دھوم مچا دی۔
بھارتی میڈیا رپورٹ کے مطابق بالی ووڈ کے ایکشن ہیرو جان ابراہیم کی نئی فلم ’ایک ویلن ریٹرنز‘ ریلیز کے پہلے ہی دن 7 کروڑ روپے سے زائد کا بزنس کرنے میں کامیاب ہوگئی۔
#EkVillainReturns reaps the benefit of franchise factor, opens better at single screens of mass pockets and Tier-2 centres… Metros – especially national chains – need to gather momentum… Day 2 and 3 crucial… Fri ₹ 7.05 cr. #India biz. pic.twitter.com/YeVUW1jyCV
— taran adarsh (@taran_adarsh) July 30, 2022
ایکشن اور تھرلر سے بھرپور فلم میں جان ابراہیم کے ساتھ دیشا پٹانی جبکہ ارجن کپور کے ساتھ تارہ ستاریا نے ہیروئن کا کردار نبھایا ہے جبکہ ان چاروں میں سے کون اصلی ویلن ہے فلم کی کہانی اس راز کے گرد گھومتی ہے۔
فلم 2014 کی’ایک ویلن‘ کا سیکوئل ہے جس میں شردھا کپور اور سدھارتھ ملہوترا کی محبت بھری کہانی دکھائی گئی تھی جبکہ نفسیاتی مسائل سےدوچار ویلن کا کردار ادا کرنے والے ریتیش دیش مکھ نے شردھا کا قتل کر دیا تھا۔
