بالی ووڈ اسٹار جیکولین کو منی لانڈرنگ کیس میں عبوری ضمانت مل گئی
جیکولین فرنینڈس پر اپنے دوست چندرشیکھرسے مہنگے تحائف وصول کرنےکے الزامات ہیں
بالی ووڈ کی سپر اسٹار جیکولین فرنینڈس کو منی لانڈرنگ کیس میں عبوری ضمانت مل گئی۔
بھارتی میڈیا رپورٹ کے مطابق 200 کروڑ کی منی لانڈرنگ میں ملزم نامزد اداکارہ جیکولین فرنینڈس کو بڑا ریلیف مل گیا، اداکارہ منی لانڈرنگ کے کیس میں آج دہلی کی پٹیالہ عدالت میں پیش ہوئی تھیں جہاں پر انہوں نے عبوری ضمانت کی درخواست کی جس کو عدالت کی جانب سے منظور کر لیا گیا ہے۔
یاد رہے کہ جیکولین فرنینڈس پر اپنے دوست چندرشیکھرسے مہنگے تحائف وصول کرنے کے الزامات ہیں جس وجہ سے وہ کئی مرتبہ تفتیش کیلئے پیش ہو چکی ہیں۔
#Watch: #JacquelineFernandez, Flanked By Lawyers, Exits After Court Relief https://t.co/bxyVs50Ztu pic.twitter.com/2pG3YtnOi8
— NDTV (@ndtv) September 26, 2022
چندر شیکھر اس وقت جیل میں ہیں جن پر الزام عائد کہ انہوں نے ادیتی سنگھ اور شویندر سنگھ سے 215 کروڑ بھارتی روپے بھتے کی شکل میں وصول کیے اور اسی سلسلے میں ملزمان کے خلاف تحقیقات بھی جاری ہیں۔
