عمران عباس کو کئی سالوں سے جانتی ہوں : امیشا پٹیل
دل میں درد سا جگا ہے‘عمران عباس کا پسندیدہ ترین گانا تھا
بالی ووڈ اداکارہ امیشا پٹیل نے عمران عباس سے تعلقات پر بھارتی میڈیا کو وضاحت دے دی
اداکارہ امیشا پٹیل نے بھارتی میڈیا کو عمران عباس سے اپنے تعلقات پر وضاحت دیتے ہوئے کہا ہے کہ وہ اُنہیں کئی سالوں سے جانتی ہیں۔
گزشتہ دنوں 46 سالہ بھارتی اداکارہ امیشا پٹیل اور پاکستان کے 39 سالہ اداکارعمران عباس کی کئی ویڈیوز وائرل ہوئیں۔
ان وائرل ویڈیوز کے بعد یہ افواہیں گردش کرنے لگیں کہ عمران عباس اور امیشا پٹیل ایک دوسرے کو ڈیٹ کر رہے ہیں اور ان کی جوڑی کو بےحد پسند کیا گیا۔
تاہم امیشا پٹیل نے عمران عباس کے ساتھ رومانوی تعلقات کے حوالے سے ہونے والی چہ مگوئیوں پر وضاحت کرتے ہوئے کہا ہے کہ انہوں نے اپنے تعلقات کے حوالے سے تمام خبریں پڑھیں ہیں جن اؤسے وہ لطف اندوز ہوئیں۔
انہوں نے بھارتی میڈیا کو انٹرویو دیتے ہوئے کہا کہ ’ وہ عمران عباس کو کئی سال سے جانتی ہیں، وہ دونوں امریکا کی یونیورسٹی میں ایک ساتھ پڑھتے تھے‘۔
اداکارہ نے بتایا کہ حال ہی میں عمران عباس اور وہ خلیجی ملک بحرین میں ملے، جہاں دونوں نے تقریبات میں شرکت کرنے سمیت انسٹاگرام پر لائیو ویڈیو بھی نشر کی تھی جب کہ دونوں نے معروف بولی وڈ گانے ’دل میں درد سا جگا ہے‘ پر پرفارمنس بھی کی تھی، جس کی ویڈیو دونون نے انسٹاگرام پر شیئر کی تھی۔
اداکارہ نے بتایا کہ ’دل میں درد سا جگا ہے‘عمران عباس کا پسندیدہ ترین گانا تھا، جس وجہ سے دونوں نے اس پر پرفارمنس کی اور ویڈیو انسٹاگرام پر شیئر کی۔
امیشا پٹیل کے مطابق دونوں کا پہلے سے ملاقات یا ویڈیو بنانے کا کوئی منصوبہ نہیں تھا، ان کی اچانک ملاقات ہوئی تو دونوں نے ویڈیوز بنائیں اور ایک ساتھ اچھا وقت گزارا۔
View this post on Instagram
اداکارہ نے وضاحت دیتے ہوئے کہا کہ ان کے اور عمران عباس کے درمیان کئی سال سے تعلقات ہیں لیکن اگر کوئی کہتا ہے کہ ہمارے رومانوی تعلقات ہیں، لوگ ہمیں جوڑی کے طور پر دیکھ رہے ہیں تو یہ غلط ہے۔
