دیپیکا نے اپنی طلاق کے حوالے سے خبروں کی تردید کردی
میرے اور رنویر کے درمیان سب ٹھیک ہے اور ہم دونوں ایک ساتھ ہیں۔
خوبرو اداکارہ دیپیکا پڈوکون نے شوہر رنویر سنگھ سے طلاق سے متعلق افواہوں پر خاموشی توڑ دی ہے۔
دیپیکا گزشتہ روز برطانوی شاہی خاندان کی منحرف بہو، میگھن مارکل کی پوڈ کاسٹ میں بطور مہمان حصہ بنیں جس میں انہوں نے اپنی نجی اور شوبز سے جڑی زندگی کے بارے میں بات کی۔
جہاں اداکارہ نے ذہنی صحت کے عالمی دن کی مناسبت کے حوالے سے اپنے خیالات کا اظہار کیا وہیں اپنی طلاق کے حوالے سے بھی خبروں کی تردید کی۔
خوبرو اداکارہ کا کہنا تھا کہ ’وہ اور رنویر سنگھ دونوں اپنے پروجیکٹس میں مصروف ہیں، دونوں کام کر رہے ہیں اور رنویر سنگھ اپنے ایک پروجیکٹ کے سبب ہی اُن سے ایک ہفتے سے دور ہیں‘۔
View this post on Instagram
دیپیکا نے مارکل کو بتایا کہ رنویر سنگھ ایک ہفتے کے لیے میوزک فیسٹیول میں مصروف تھے اور آج وہ واپس آئے ہیں، وہ مجھ سے مل کر، میرا چہرہ دیکھ کر بہت خوش ہوں گے۔
دپیکا پڈوکون نے اس پوڈ کاسٹ میں اپنی طلاق کی خبروں پر ردِعمل دیتے ہوئے مداحوں کو واضح کیا کہ ان کے اور رنویر کے درمیان سب ٹھیک ہے اوروہ دونوں ایک ساتھ ہیں۔
