سابق عالمی ملکۂ حسن سشمیتاسین تلوار بازی کی تربیت حاصل کر رہی ہیں
نازک اندام سشمیتا سین تیز دھار تلوار کے ساتھ بھارت کے مقبول مارشل آرٹ کلاری پیاٹو کی تربیت لیتی نظر آرہی ہیں۔
بالی ووڈ اسٹار اداکارہ سشمیتاسین ان دنوں تلوار بازی کی تربیت حاصل کر رہی ہیں جس کی ویڈیو انھوں نے خود سوشل میڈیا پر وائرل کی۔
سشمیتا کی جنون اور بہادری سے بھرپور اس مشق کا مقصد ویب سیریز آریہ میں اپنے ایک کردار کی تیاری کرنا ہے۔ سشمیتاسین جلد ویب سیریز آریہ کی تیسری قسط میں نظر آئیں گی۔
معروف بالی ووڈ اداکارہ نے تلوار بازی کی مشق کی ویڈیو سوشل میڈیا پر پوسٹ کرتے ہوئے لکھا کہ وہ اپنے ٹرینر سنیل کا شکریہ ادا کرتی ہیں۔ “آپ حیرت انگیز ہیں سر‘‘۔
View this post on Instagram
خیال رہے کہ سشمیتا سین رواں سال کے آغاز میں آریہ کی شوٹنگ کے دوران ہی دل کا دورہ پڑنے کے سبب اسپتال میں زیر علاج رہی ہیں تاہم صحت یابی کے بعد وہ دوبارہ اپنے کام میں جُت گئیں۔
آریہ 3 کے علاوہ سشمیتا سین ایک اور ویب سیریز تالی میں بھی نظر آئیں گی جس میں وہ ٹرانس جینڈر کارکن گوری ساونت کا کردار ادا کر رہی ہیں۔ اس سیریز کے ہدایت کار مراٹھی فلمساز روی یادیو ہیں۔
