پرینتی چوپڑا اور راگھو چڈھا کی منگنی کی تقریب 13 مئی کو منعقد ہوگی

پرینتی چوپڑا اور راگھو چڈھا کی منگنی کی تقریب 13 مئی کو دہلی میں ہونے جا رہی ہے۔ کہا جا رہا ہے کہ پریانکا اپنی کزن کی منگنی کی تقریب میں شریک ہونگی۔

بالی وڈ ایکٹر پرینیتی چوپڑا اورعام آدمی پارٹی کے رہنما راگھو چڈھا کی منگنی کی تقریب دہلی میں ہفتے کے روز ہونے جا رہی ہے۔ بھارتی میڈیا نے رپورٹ کیا ہے کہ اپنی کزن کی منگنی میں شرکت کے لیے پریانکا چوپڑا خصوصی طور پر دہلی آ رہی ہیں ۔

بھارتی میڈیا کے مطابق یہ پریانکا کا یہ شارٹ ٹرپ ہوگا جس میں کہا جا رہا ہے کہ ان کے شوہر نک جونس ان کے ساتھ نہیں ہونگے ۔ تاہم پریانکا کی بیٹی مالتی کے بارے میں کہا جا رہا ہے کہ وہ پریانکا کے ساتھ ہونگی یا نہیں اس کے بارے میں اطلاعات نہیں ہیں۔ کیونکہ پریانکا کی جانب سے مالتی کی آمد ان کے گھر والوں کے لیے ایک سرپرائز ہوگا۔

پریانکا، پرینیتی کی منگنی میں شرکت کے لیے ہفتے کی صبح ہی دہلی پہنچیں گی۔

پرینیتی اور راگھو کی منگنی کی تقریب میں منیش ملہوترا بھی شریک ہونگے اور پرینتی اس دن کے لیے منیش ملہوترا کا ڈیزائن کردہ ڈریس کو زیب تن کریں گی۔ یہ بھی کہا جا رہا ہے کہ راگھو چڈھا منگنی کے دن اپنے انکل اور فیشن ڈیزائینر پاون سچدیوا کا ڈیزائن کردہ لباس زیب تن کریں گے۔ تاہم پرینتی اور راگھو کے لباس کے رنگ ایک جیسے ہونگے۔