انٹرٹینمنٹ
بالی ووڈ کے سُپر اسٹار کارتک آریان کے ساتھ فلم میں لیڈ رول کی آفر آئی تھی
ٹاک ٹاکر جنت مرزا کا کہنا تھا کہ انہیں دو ماہ قبل بالی ووڈ سے آفر ہوئی تھی انہوں نے اسے ٹھکرا دیا۔
سوشل میڈیا پر ٹاک ٹاکر جنت مرزا کے ایک انٹرویو کی کلپ وائرل ہو رہی ہے جس میں انہیں بالی ووڈ سے آئی آفر سے متعلق بات کرتے دیکھا جا سکتا ہے۔
میزبان نے جنت سے پوچھا کہ آپ کو پاکستانی ڈرامہ انڈسٹری کے بلاک بسٹر ڈرامے پری زاد اور ہم کہاں کے سچے تھے آفر ہو چکے ہیں تو کیا آپ کو بالی ووڈ سے بھی کوئی آفر آئی ہے؟
View this post on Instagram
جس پر جنت مرزا نے کہا کہ انہیں دو ماہ قبل بالی ووڈ سے آفر ہوئی تھی تاہم انہوں نے اسے ٹھکرا دیا۔
جنت مرزا کا کہنا تھا کہ انہیں بالی ووڈ کے سُپر اسٹار کارتک آریان کے ساتھ فلم میں لیڈ رول کی آفر آئی تھی جس کو انہوں نے مسترد کر دیا۔
ٹاک ٹاکر کا کہنا تھا کہ وہ بھارت جاکر کام نہیں کر سکتیں اور نہ ہی ان کے والدین انہیں بھارت میں کام کرنے کی اجازت دیں گے۔
