پاکستان کی نامور اداکارہ ، مصنفہ اور پروڈیوسر جہاں فانی سے کوچ کرگئیں
پاکستان ٹیلی ویژن ( پی ٹی وی ) کے ڈارمہ سیزیلز سے شہرت کی بلندی پر پہنچنے والی اداکارہ ، مصنفہ اور پروڈیوسر نوشین مسعود اس جہاں فانی سے کوچ کر گئیں۔
اداکارہ نوشین مسعود کے سابق شوہر طارق قریشی کے مطابق نوشین مسعود گزشتہ کچھ عرصے سے کینسر کے موذی مرض میں مبتلا اور زیرِ علاج تھیں، ان کا آج صبح انتقال ہوا۔
پاکستان کے نامور اداکار عدنان صدیقی نے بھی سماجی رابطوںکی ویب سائٹ ایکس( ٹویٹر) پر ایک پوسٹ میں نوشین مسعود کے انتقال کی تصدیق کرتے ہوئے گہرے رنج کا اظہار کیا ہے۔
یہ بھی پڑھیں : پاکستان میں کبھی فلم انڈسٹری اور سیاست کو چلنے ہی نہیں دیا گیا
یاد رہے کہ اداکارہ نوشین مسعود پاکستانی ٹیلی ویژن کی مقبول اداکارہ اور میزبان تھیں وہ کئی سالوں سے کینسر میں مبتلا تھیں۔ انہوں نے متعدد مشہور ڈراموں میں کام کیا جن میں سر فہرست جال، کالونی 52، گھر تو آخر اپنا ہے اور ڈولی کی آئے گی بارات اور دیگر شامل ہیں۔
Farewell to the remarkable Nausheen Masud, dear friend and beautiful soul. Her warmth and style added magic to every moment we shared on and off camera. Grateful for the memories we co-created. Rest peacefully, Nausheen. pic.twitter.com/xqn97UGcHl
— Adnan Siddiqui (@adnanactor) December 6, 2023
اداکارہ نوشین مسعود نےکراچی کے سینٹ جوزف اسکول اینڈ کالج سے بیچلر آف آرٹس کی ڈگری حاصل کی ، اورانکی شہرت کی وجہ اداکاری سے قبل ہدایتکاری تھی۔
نوشین مسعود نے مشہور پاکستانی گلوکاروں کی متعدد میوزک ویڈیوز کی ہدایت کاری کی جن میں شہزاد رائے، جنید جمشید، عامر ذکی، جواد احمد اور میوزک بینڈ جنون شامل ہیں۔
