اداکارہ جھانوی کپور نے فلم فیئر ایوارڈ میں دکھایا ایسا انداز، فینس کو آگئی سری دیوی کی یاد

حال ہی میں منعقدہ فلم فیئر ایوارڈز میں بالی ووڈ ستاروں کا جلوہ دیکھنے کو ملا تھا ۔ اس ایوارڈ فنکشن میں کئی ستاروں نے اپنی شاندار پرفارمنس سے اسٹیج پر قہر ڈھا دیا تھا ۔ فلم فیئر ایوارڈز میں پرفارم کرنے والوں میں اداکارہ جھانوی کپور بھی شامل تھیں۔ انہوں نے اپنی پرفارمنس سے فلم فیئر اسٹیج پر دھوم مچا دی تھی۔

جھانوی کپور نے حال ہی میں فلم فیئر ایوارڈز میں اپنی شاندار پرفارمنس کی جھلک دکھاتے ہوئے کئی تصاویر اور ویڈیوز شیئر کی ہیں۔ ان میں اداکارہ کلر ڈانس کرتی نظر آ رہی ہیں۔

ان ویڈیوز اور تصاویر کو سوشل میڈیا پر شیئر کرتے ہوئے اداکارہ جھانوی کپور نے لکھا: ‘مجھے بہت مزہ آیا اور میرے لئے یہ بہت فخر کی بات تھی کہ مجھے میرے پسندیدہ اور ہندی سنیما کے آئیکانک کوئنس کے گانوں پر پرفارم کرنے کا موقع ملا‘۔

اداکارہ کے ڈانس ویڈیوز کو دیکھ کر سلیبریٹیز سے لے کر مداحوں تک سبھی ان کے دیوانے ہو گئے۔ جھانوی کپور کے ویڈیو پر تبصرہ کرتے ہوئے مرنال ٹھاکر لکھتی ہیں:

مشہور فیشن ڈیزائنر منیش ملہوترا نے اداکارہ کی تعریف کرتے ہوئے لکھا: ‘تم بہترین ڈانسر ہو’۔ وہیں زویا اختر نے بھی جھانوی کپور کے ڈانس کی تعریف کرتے ہوئے ان پر پیار برسایا ہے۔

‘بوال’ اداکارہ کی ان تصاویر اور ویڈیوز پر شیکھر پہاڑیا نے بھی تبصرہ کیا ہے۔ شیکھر کے تبصرے نے سوشل میڈیا پر سب سے زیادہ دھیان کھینچا ۔ میڈیا رپورٹس کے مطابق جھانوی کپور اور شیکھر پہاڑیا ریلیشن شپ میں ہیں۔

فلم فیئر ایوارڈز میں اپنی پرفارمنس کے دوران جھانوی ایک گلیمرس ڈیوا کی طرح نظر آئیں۔ ان کے انداز کو دیکھ کر مداحوں کو آنجہانی اداکارہ سری دیوی کی یاد آگئی ۔ بہت سے مداحوں نے اداکارہ کی پرفارمنس پر تبصرے کرتے ہوئے ان کا سری دیوی سے موازنہ کیا۔

جھانوی کپور نے فلم ‘دھڑک’ سے بالی ووڈ میں ڈیبیو کیا تھا۔ ان کی پہلی فلم باکس آفس پر کامیاب رہی تھی ۔ اس فلم میں وہ ایشان کھٹر کے ساتھ نظر آئی تھیں۔