رفح میں اسرائیل کی وحشیانہ بمباری کے خلاف شوبز ستارے اسرائیل پر برس پڑے
لوگ جنگ بندی پر مباحثے میں مصروف ہیں جبکہ ہزاروں بچوں کو موت کے گھاٹ اتارا جارہا ہے، آخر انسانیت کہاں ہے
رفح میں اسرائیل کی وحشیانہ بمباری کے خلاف پوری دنیا سے شوبز ستاروں نے سخت تنقید کرتے ہوئے فوری جنگ بندی کا مطالبہ کیا ہے۔
اسرائیلی حملوں سے گزشتہ روز رفح میں آگ بھڑک اٹھی اور اس میں 45 مظلوم فلسطینی شہید ہوگئے جبکہ سیکڑوں افراد زخمی ہوئے ہیں۔
ہالی وڈ کی نامور اداکارہ جینا اورٹیگا نے سوال اٹھایا کہ لوگ جنگ بندی پر مباحثے میں مصروف ہیں جبکہ ہزاروں بچوں کو موت کے گھاٹ اتارا جارہا ہے، آخر انسانیت کہاں ہے۔
View this post on Instagram
پاکستانی اداکارہ صحیفہ جبار خٹک نے رفح حملوں پر سخت رنج اور افسوس کا اظہار کرتے ہوئے فوری جنگ بندی کا مطالبہ کیا ہے۔
پاکستانی اداکار فیصل قریشی نے مظلوم فلسطینیوں کی شہادت پر افسوس کا اظہار کرتے ہوئے انسٹاگرام پوسٹ میں مظلوموں کے ساتھ یکجہتی کا اظہار کیا ہے۔
عمران عباس نے انسٹاگرام پر ایک جذباتی پوسٹ میں لکھا کہ فوری جنگ بندی ہونی چاہئے، جب برطانیہ بھی جنگ بندی کا مطالبہ کررہا ہے تو مسلمانوں کو خاموش نہیں رہنا چاہئے۔
View this post on Instagram
انہوں نے مزید لکھا کہ زندہ جلنے والے بچوں اور بڑوں کا درد محسوس ہونے کیلئے کسی مذہب کا نہیں بلکہ صرف انسان ہونا ضروری ہے۔
