ملالہ کی ویب سیریز کی پہلی جھلک وائرل

 ملالہ یوسف زئی کی برطانوی میوزیکل کامیڈی ویب سیریز ’وی آر لیڈی پارٹس‘ کی پہلی جھلک جاری ہوتے ہی سوشل میڈیا پر وائرل ہوگئی

ملالہ یوسف زئی ویب سیریز ’وی آر لیڈی پارٹس‘ کے سیزن 2 میں اپنے مختصر کردار سے شوبز انڈسٹری میں ڈیبیو کریں گی۔

ذرائع کے مطابق ویب سیریز ’وی آر لیڈی پارٹس‘ کا دوسرا سیزن آج سے امریکہ اور برطانیہ میں آن ایئرکیا جائےگا۔

سوشل میڈیا پر ویب سیریز کی پہلی جھلک آتے ہی وائرل ہوگئی جس میں ملالہ یوسف زئی کو شو کی دیگر کاسٹ کے ہمراہ کاؤ بوائے ٹوپی پہنے،گھوڑے پر سوار مغربی لباس میں دکھایا گیا ہے۔
ویب سیریز کی کہانی کی بات کی جائے تو اس میں مسلمان لڑکیوں کی موسیقی کی دنیا میں نام کمانے کی جدوجہد کو دکھایا گیا ہے جو بلآخر کامیاب ہوجاتی ہیں۔

ملالہ کو اس ویب سیریز میں میوزیکل بینڈ کے رکن کے طور پر دکھایا گیا ہےجس میں ان کے ہمراہ انجانا وسان، سارہ کمیلا امپی، جولیٹ موٹامڈ، فیتھ اومول اور لوسی شارٹ ہاؤس سمیت دیگر اداکار بھی شامل ہیں۔

واضح رہے کہ میوزیکل کامیڈی ویب سیریز ’وی آر دی لیڈی پارٹس‘ کا پہلا سیزن مئی 2021 میں ریلیز کیا گیا تھا۔

اب سیزن 2 میں دکھایا گیا ہے کہ کسطرح بینڈ کی برطانیہ کے دورے کے بعد واپسی ہوتی ہے اور پھر وہ اپنے نئے مشن پر نکلتا ہے جس کا مقصد بینڈ کی ساکھ کو نقصان پہنچانے والے حریف بینڈ کو تلاش کرکے اسے سبق سکھانا ہے ۔